തിരുവനന്തപുരം: നേമം, കൊച്ചുവേളി റെയിൽവേ സ്റ്റേഷനുകളുടെ പേര് മാറ്റാൻ അംഗീകാരം നൽകി കേന്ദ്ര സർക്കാർ. നേമം ഇനി ‘തിരുവനന്തപുരം സൗത്ത് ‘എന്നും കൊച്ചുവേളി ‘ തിരുവന്തപുരം നോർത്ത് ‘എന്നുമാണ് അറിയപ്പെടുക. സംസ്ഥാന സര്ക്കാര് നിര്ദേശത്തില് കേന്ദ്ര ആഭ്യന്തരമന്ത്രാലയമാണ് തീരുമാനമെടുത്തത്.
അതെ സമയം, തിരുവനന്തപുരം എന്ന പേര് ബ്രാൻഡ് ചെയ്ത് സമീപ സ്റ്റേഷനുകൾ കൂടി നവീകരിക്കുന്നതോടെ യാത്രക്കാരുടെ എണ്ണം കൂടുമെന്നാണ് പ്രതീക്ഷ. പേര് മാറ്റത്തിലൂടെ സ്റ്റേഷനുകളുടെ മുഖച്ഛായ തന്നെ മാറ്റാനാണ് സംസ്ഥാന സർക്കാരിന്റെ നീക്കം.നേമത്ത് നിന്നും കൊച്ചുവേളിയിൽ നിന്നും തിരുവനന്തപുരം സെൻട്രലിലേക്ക് ഒമ്പത് കിലോമീറ്റർ ദൂരം മാത്രമാണെങ്കിലും ഭൂരിഭാഗം പേരും ആശ്രയിക്കുന്നത് സെൻട്രൽ സ്റ്റേഷനെ തന്നെയാണ്.
English Summary : Nemam, Kochuveli railway stations to be renamed
