ഉള്ളുപൊട്ടിയ വയനാടിന്റെ ജീവിച്ചിരിക്കുന്നവർക്കായി നടൻ വിക്രം . മുഖ്യമന്ത്രിയുടെ ദുരിതാശ്വാസ നിധിയിലേക്ക് 20 ലക്ഷം രൂപ സംഭാവന നൽകിയാണ് വിക്രം തന്റെ ദുഃഖം രേഖപ്പെടുത്തിയത് . വിക്രമിന്റെ കേരള ഫാൻസ് അസോസിയേഷനാണ് തുക മുഖ്യമന്ത്രിയുടെ ദുരിതാശ്വാസ നിധിയിലേക്ക് കൈമാറിയ വിവരം ഔദ്യോഗികമായി അറിയിച്ചത്.
അതെ സമയം ചലച്ചിത്ര താരങ്ങൾ ഉൾപ്പടെ നിരവധിപ്പേരാണ് സഹായഹസ്തവുമായി വയനാട്ടിലേക്ക് എത്തുന്നത്. നടൻ കുഞ്ചാക്കോ ബോബന്റെ ഫാൻസ് അസോസിയേഷൻ അംഗങ്ങൾ സ്വരൂപിച്ച 50,000രൂപ എറണാകുളം ജില്ലാ കളക്ടർക്ക് ഭാരവാഹികൾ കൈമാറി. ഒപ്പം മമ്മൂട്ടി നേതൃത്വം നൽകുന്ന ജീവകാരുണ്യ സംഘടന കെയർ ആൻഡ് ഷെയർ ഇന്റർനാഷണൽ ഫൗണ്ടേഷനും പ്രമുഖ വ്യവസായി സി.പി. സാലിയുടെ സി.പി ട്രസ്റ്റും വയനാട്ടിലേക്കു തിരിച്ചു.
ഭക്ഷണം, വസ്ത്രങ്ങൾ, ആംബുലൻസ്, പ്രഥമ ശുശ്രൂഷ മരുന്നുകൾ,പാത്രങ്ങൾ, കുപ്പിവെള്ളം, കുടിവെള്ള ടാങ്കർ മുതലായ സാധനങ്ങളുമായാണ് സംഘം വയനാട്ടിലേക്ക് പുറപ്പെടുന്നത്.
English Summary : Vikram Donates Rs 20 Lakh For Wayanad Landslide Relief Fund
