ഷാ​രൂ​ഖ് ഖാ​ന്‍റെ ചി​ത്രം പ​തി​പ്പി​ച്ച സ്വ​ർ​ണ​നാ​ണ​യം സമർപ്പിച്ച് ഫ്ര​ഞ്ച് മ്യൂ​സി​യം

മും​ബൈ: കിംഗ് ഖാൻ ഷാ​രൂ​ഖ് ഖാ​ന്‍റെ ചി​ത്രം പ​തി​പ്പി​ച്ച സ്വ​ർ​ണ​നാ​ണ​യം പു​റ​ത്തി​റ​ക്കി ഫ്ര​ഞ്ച് മ്യൂ​സി​യം. പാ​രീ​സി​ലെ ഗ്രെ​വി​ൻ മ്യൂ​സി​യ​മാ​ണ് താരത്തിന് ആ​ദ​ര​വ് ന​ൽ​കി​യ​ത്.ഈ ​മ്യൂ​സി​യ​ത്തി​ൽ സ്വ​ന്തം പേ​രി​ലു​ള്ള നാ​ണ​യ​മി​റ​ങ്ങു​ന്ന ആ​ദ്യ​ത്തെ ഇ​ന്ത്യ​ൻ ന​ട​നാ​ണ് ഷാ​രൂ​ഖ് ഖാ​ൻ. ഓ​ഗ​സ്റ്റ് 10ന് ​അ​ദേ​ഹ​ത്തി​ന് നാ​ണ​യം കൈ​മാ​റും. പാ​രീ​സി​ലെ സെ​യി​ൻ ന​ദി​യു​ടെ വ​ല​തു​ക​ര​യി​ൽ ഗ്രാ​ൻ​ഡ്സ് ബൗ​ൾ​വാ​ർ​ഡു​ക​ളി​ൽ സ്ഥി​തി​ചെ​യ്യു​ന്ന മെ​ഴു​കു മ്യൂ​സി​യ​മാ​ണി​ത്. ലോ​ക​ത്തി​ലെ പ്ര​ധാ​ന വാ​ക്സ് മ്യൂ​സി​യ​ങ്ങ​ളി​ലൊ​ക്കെ താ​ര​ത്തി​ന്‍റെ മെ​ഴു​ക് പ്ര​തി​മ സ്ഥാ​പി​ച്ചി​ട്ടു​ണ്ട്.

നാണയത്തിൻ്റെ ഫോട്ടോ സഹിതം SRK പങ്കിടുകയും ചെയ്തു. ഇന്ത്യയിൽ ‘കിംഗ് ഖാൻ’ എന്ന പേരിൽ അറിയപ്പെടുന്ന ഷാരൂഖ് രാജ്യത്തിന് തന്നെ അഭിമാനമാണ്. ലൊകാർനോ ഫിലിം ഫെസ്റ്റിവലിൽ ഓണററി ലെപ്പാർഡ് അച്ചീവ്‌മെൻ്റ് അവാർഡ് നൽകി ബോളിവുഡ് മെഗാസ്റ്റാർ ഷാരൂഖ് ഖാനെ ആദരിക്കുമെന്ന് ഈ മാസം ആദ്യം പ്രഖ്യാപിച്ചിരുന്നു. 100-ലധികം ചിത്രങ്ങൾ ഇന്ത്യൻ സിനിമക്ക് സമ്മാനിച്ച ഖാന്റെ ശ്രദ്ധേയമായ കരിയറിന് ഈ അവാർഡ് ആദരാഞ്ജലി അർപ്പിക്കുന്നതാണ്. ആഗസ്റ്റ് 10 ശനിയാഴ്ച വൈകുന്നേരം പിയാസ ഗ്രാൻഡെയിൽ വെച്ച് അദ്ദേഹം അവാർഡ് ഏറ്റുവാങ്ങും. ഒപ്പം ഖാൻ്റെ കരിയറിലെ മികച്ച ചിത്രം – ദേവദാസ് (സഞ്ജയ് ലീല ബൻസാലി, 2002) ഫെസ്റ്റിവലിൽ പ്രദർശിപ്പിക്കും, അതേസമയം, ഷാരൂഖ് ഖാൻ 2023-ൽ മൂന്ന് ബ്ലോക്ക്ബസ്റ്റർ ചിത്രങ്ങളിലൂടെ ബോക്സ് ഓഫീസ് കയ്യടക്കി – പത്താൻ, ജവാൻ, ഡങ്കി എന്നീ ചിത്രങ്ങളാണത് .